小富臨 (已結業)

南昌站附近开咗个新商场，今日专诚同屋企人嚟行街食饭，因为我婆婆钟意食中菜，就拣咗呢间小富临作为我哋今晚嘅晚餐。率先登场嘅系金屋藏鸽，金色嘅鸟笼盛载住三只小鸡，卖相精致。其实佢哋系凤梨稣，咬落去外脆内软，外层好似曲奇，内里有满满馅料。雀笼拼盘好丰富，分为三层，可以一次过试晒多款点心。当中我最爱旋风奶皇包，卖相一流，金光闪闪好吸睛。内里有大量流沙奶皇，食落唔会腻，奶皇味道十足。榴梿苏系好靓既天鹅造型，榴梿味香浓，榴梿爱好者会非常钟意。黑松露野苗饺都好值得推荐，有啖啖虾肉，淡淡黑松露香。乳鸽香喷喷，皮脆肉嫩，调味浓淡得宜，咬落去啖啖肉，令人好回味。葱香烧腩外层有焦香，原汁原味，如果有酱汁可以蘸就更好。今日既主角之一就系叫化鸡，先扑开厚厚既外层，入面就系热辣辣既鸡肉。职员会邀请我地用锤仔扑开外层，之后仲会送埋个锤仔俾我哋，下次再帮衬既时侯，出示番钟锤仔就可享有半价优惠。鸡肉香滑，啖啖肉，配埋鸡油更加滋味。荷花蒸饭，米饭粒粒分明，每一口饭都有荷叶既清香，食落唔腻，不错。