八方棧

营业中

休息中

睇到有网友介绍，点心精致又可座露天位，周末又无乜嘢做，出发试吓呢间睇就几好，食就唔知好唔好嘅～八方栈。见到人哋啲相几正，二口子『出尽力』叫咗六个点心，最后试埋个炒饭。蔬汁金柚雪山包 二人萝卜丝酥饼二人前蟹籽虾多士百酱蒸虎皮凤爪娘惹海皇春卷(3件)沙爹鬼马牛肉肠 瑶柱蛋白炒饭蔬汁金柚雪山包～面头好松脆，包软熟，包入面小小嘅酱加埋柚肉，口感同味道不错。萝卜丝酥饼/蟹籽虾多士萝卜丝酥饼咬落去松脆，满满嘅萝卜丝蓉，都唔错收货。蟹籽虾多士～第一件真系食晒成块，此终系炸物加面包，面头真系成层虾胶，多士食到成口油真系无可厚非，所以我食第二块时净系食块虾胶算百酱蒸虎皮凤爪～凤爪可以话系我哋饮茶必点，一来真系钟意食，二嚟喺测试间嘢得唔得，呢度得，咬落去只嘢胀卜卜口感满满，最重要不过咸。娘惹海皇春卷～春卷系第二样必叫嘅，咬落去松脆，虾肉都满满，但有一只味怪怪哋但又唔系唔好食～感觉系小小咖哩味，都ok收货，因为叫咗太多炸嘢，呢个食咗半条算。沙爹鬼马牛肉肠～原来个名有沙爹，咁我又食唔出，牛肉加油炸鬼，口感都夹，不过今日真系太多炸野，顶唔顺，但个肠粉皮ok, 薄同软～不错。既然一场嚟到，试多一样～瑶柱蛋白炒饭。