彩晶軒

营业中

休息中

难得放假但唔知点解训唔得晏，晨早起左身，揾个早茶叹下啦。九制陈皮叉烧酥呢个系必叫既点心，皮薄馅靓， 叉烧酥上面仲有陈皮碎解腻，好味。凉瓜鱼蓉饼凉瓜切到细细粒，刚熟咬落爽口，鱼饼煎得金黄香脆。煎酿虎皮尖椒又系煎得好好，尖椒同鱼肉两边都睇落金黄，食落香脆，最怕煎到林洒既尖椒。三姐巧酿潮州粉果个皮又系超薄，睇到一面馅料胀卜卜，好足料。蚝皇香芋鸭脚扎呢个比较逊色，入面块肉肥肉比较多，自己麻麻地肥肉，鸭脚偏薄身，同埋未够入味。总括黎讲点心都好精致，可以再黎。