名館 (已結業)

今日去左中上环果边行下，行到饿饿地就揾左呢间名馆食晏。个入口都几难揾，我地系佢个后门入左去，入面有一半系游客。坐低左就有杯茶上，都几好饮，味道几特别。我地叫左四样野，分别有一口鸡翼糯米饭，海绵叉烧包，鲜虾金鱼饺同焗猪扒饭。首先个糯米饭鸡翼好热，包得好实净，唔会咬就散，但系怀疑系一早整好，有人叫就翻炸。个叉烧包个包皮几软熟，入面啲料好多，又够热。个虾饺整到成条金鱼咁，原来用左啲红萝卜做装饰，食落又唔系好觉有萝卜味，啲虾又好多。最后上嘅就个饭，炒底嘅饭系唔同啲，啲汁同啲𩠌都几大份，呢个算最抵食嘅一样。埋单起要三百几，算系一个唔平ge lunch。