禮賓傅 (已結業)

平时成日都去食西餐同日本菜，今晚约朋友去中环食饭！大家提议想食中菜，而佢一直想试呢间礼宾傅，适逢佢生日就请佢食下啦！唔知系咪我地订位订得比较早，又准时地6点半已到，以为无乜人好似我地包场咁？但7点后就已经坐满左一大半，可算系几有名！呢度环境好优雅，令人感觉好舒服、宁静！仲有一个包厢，适合一大班朋友或者同事聚会！我地叫左两个一人套餐$680/位，入面有六款食物、炖汤、炒饭、糖水头盘先黎迷你鲍鱼多士，好特别既配搭，鲍鱼爽口弹牙，多士香脆夹住青瓜食唔油腻！燕窝酿鸡翼从未试过食鸡翼食得咁高贵！淡淡既燕窝好爽口，而鸡翼亦煎得刚刚好外脆内软！羊肝菌炖螺头本身好钟意饮螺头汤，见到餐牌已经心心眼好期待，佢仲用左好珍贵既羊肝菌黎炖，饮落真系好清甜！蟹肉大良炒鲜奶初初望落似赛螃蟹咁，但入口原来感觉好滑，有颇多鲜甜既蟹肉，配上少少醋入口真系好美味！红烧花胶花胶爽口弹牙，唔似一般炆到好淋既感觉！食完觉得补充左骨胶原咁！南瓜烩安格斯牛腩南瓜入晒味好淋，牛腩牛肉味好重，亦有种胶质既感觉！素千层浸芥菜胆原来素千层系似豆卜咁，本身芥菜会有种苦味，但配上杞子清甜，味道似中和返无咁苦！礼宾傅炒饭只系见到个名都几期待同名既