Ocio (東港城) (已結業)

一入到呢间舖见到装修都几靓，叫咗放牛油焗石斑柳配新薯忌廉蘑菇汁，同埋铁板羊鞍配新薯杂菜。套餐仲配咗餐汤同嘢饮，饮品叫左玫瑰热牛奶，冷泡四季春。餐汤系忌廉南瓜汤，唔系太杰，唔会太咸，味道适中。个焗石斑柳煎得好香脆，有黑椒喺面吊味，非常惹味个汁好香浓好食。而且仲有啲青豆同埋红萝卜做配菜，有菜又有肉好均衡。羊鞍都几大块，唔会好肥，用铁板上，上菜嘅时候仲吱吱吱吱吱声，食欲大增。啲肉质好软熟，唔太膻。食完之后仲叫咗个甜品，朱古力窝夫配朱古力雪糕。个窝夫有啲朱古力味唔系太重，Brownie好好食，加埋个朱古力雪糕，成份甜得来又唔会好腻。埋单$400左右，几抵食。