蘇浙滙

营业中

休息中

夜晚要去湾仔睇话剧，屋企人建议食呢间，十几年前食过，庆幸佢而家仲喺度。夜晚我多数食少啲，所以今日叫大部份都系头盘冷盘，全部细细碟，可以试多几样。第一round叫咗辣金钱肚、麻酱油麦菜、炸脆鳝、龙井虾仁、松茸花胶炖螺头。金钱肚比较辣咗啲，不过都好腍好好食，另外第一次食生嘅油麦菜，very crispy and interesting 😎 上菜速度好快，份量贵精不贵多，屋企人心思思想继续食，叫咗一个黑叉烧，黑浓嘅酱油配薄薄嘅半肥瘦肉片，啱我钟意重口味份量细嘅嘢。个炖汤非常清甜足料好饮，叫咗大概20分钟先至有，明白的冇问题👍最后叫埋个酒酿丸子同埋传统绿豆糕，绿豆糕我配埋龙井一齐饮，一甜一甘，味道很夹。部长很健谈，服务快捷，最后其实食到好饱，如果真系要唔叫一样嘢嘅话，我会skip咗金钱肚（其实都好好食，眼阔肚窄）。