影片
更多
2017-04-15
905 浏览
边个话法国餐细碟又贵又唔饱？呢到价钱唔贵，好食仲食得饱添！今次第一次黎食，先自动波上左法包。有两种包类：法式酥条同法包条，配上银鱼沙律酱。包类拎上手仲暖，已见诚意，法国包皮一如既往偏硬，但白面包部份香软，点埋沙律酱酸酸甜甜，食完仲想再食。Set dinner starter点左烟吞拿鱼片伴牛油果酱，朋友点左蒜香大虾小墨鱼酥皮挞。烟吞拿鱼片好甜，系鲜甜，好惊喜烟熏过都保留到鲜甜味！除左牛油果酱，伴碟上的橙色酱一样好好味，酸酸味味，解左牛油果种小腻感。小墨鱼酥皮挞我就冇食，比唔到意见。但朋友话小墨鱼好爽口，好甜！main course 点左烩牛面颊米型意大利粉伴巴马臣芝士及新鲜时菜，朋友就豪啲，点左波士顿龙虾扁意粉配龙虾炖蛋。米形意粉好得意，外形同risotto好似，但口感系意粉口感。意粉细细粒反而仲索到更多芝士酱味。另外牛面颊煮得超淋，刀都唔洗用，只系用叉就杯得散。除咗煮得淋，仲好入味。不过略嫌新鲜时菜太少，只有少量蘑菇同翠玉瓜。朋友个龙虾扁意粉就真系抵食到烂。个炖蛋超浓龙虾味，口感creamy，好似食紧龙虾味版北海道炖蛋，龙虾肉更加唔使讲，啖啖肉又鲜甜。而个扁意粉其实亦都相当入味，但应
今次第一次黎食，先自动波上左法包。有两种包类：法式酥条同法包条，配上银鱼沙律酱。包类拎上手仲暖，已见诚意，法国包皮一如既往偏硬，但白面包部份香软，点埋沙律酱酸酸甜甜，食完仲想再食。
Set dinner starter点左烟吞拿鱼片伴牛油果酱，朋友点左蒜香大虾小墨鱼酥皮挞。烟吞拿鱼片好甜，系鲜甜，好惊喜烟熏过都保留到鲜甜味！除左牛油果酱，伴碟上的橙色酱一样好好味，酸酸味味，解左牛油果种小腻感。
小墨鱼酥皮挞我就冇食，比唔到意见。但朋友话小墨鱼好爽口，好甜！
main course 点左烩牛面颊米型意大利粉伴巴马臣芝士及新鲜时菜，朋友就豪啲，点左波士顿龙虾扁意粉配龙虾炖蛋。
米形意粉好得意，外形同risotto好似，但口感系意粉口感。意粉细细粒反而仲索到更多芝士酱味。另外牛面颊煮得超淋，刀都唔洗用，只系用叉就杯得散。除咗煮得淋，仲好入味。不过略嫌新鲜时菜太少，只有少量蘑菇同翠玉瓜。
朋友个龙虾扁意粉就真系抵食到烂。个炖蛋超浓龙虾味，口感creamy，好似食紧龙虾味版北海道炖蛋，龙虾肉更加唔使讲，啖啖肉又鲜甜。
而个扁意粉其实亦都相当入味，但应该系个炖蛋太过浓味，朋友话头几啖意粉好似唔够味，不过作为jam人啲野食嘅我，一食就已经觉得意粉充满龙虾味！其实食完已经饱,但眼见D甜品来来往往,真系好吸引。最终又一人一个甜品。我嗌左Australian pear poached with strawberry port wine sauce and pear sorbet，计体积呢到应该有２个梨，要一个人食哂真系好饱！梨好淋，充满酒味，应该系比酒浸左好耐！超好食。
朋友要Raspberry apricot cake with Green apple Sorbet ，佢果个仲饱！因为佢中间系CAKE，颇滞。个人认为梨好食Ｄ。
最后，仲有SNACKS 伴餐茶！我提议由蛋白饼起向朱古力曲奇食起，因为甜度亦慢慢增咁，咁就唔会抢哂其他甜点嘅味道！边个话法国餐食唔饱？我食完行埋APM都仲饱到上心口~
张贴
