賞島咖啡屋

营业中

休息中

餐厅环境舒服，灯光柔和有冬日气氛。主打西式料理，亦有咖啡、餐点提供。食物款式唔常见，就连小食、side dish都唔一般。海胆味噌蟹肉意大利面($168)，一送上枱就闻到好大阵海胆味，超浓郁，令到每条面条都沾满酱汁。蟹肉鲜甜，菇菌炒香后沾酱更好食。海胆一坨入口即溶，唔苦唔腥，单食/伴意粉一样美味极致。蜜糖香草烤鸭胸($128)，慢煮方法既保留鸭肉幼嫩肉软，亦令颜色带粉嫩，口感唔会老韧。一咬油脂位置，口腔充满鸭油香，但完全唔觉油腻，一口接一口食无问题～伴碟既薯蓉有惊喜，薯蓉混有薯仔皮，有d好碎薯粒，两者加起增添口感，仲有蟹籽作点缀。小沙律加入无花果、士多啤梨，非常有诚意，颜色更鲜艳。芝士烤鸡墨西哥饼($88)，烤鸡汁已经流哂出后，爆汁爆馅～一客有3大块馅饼，手撕烤鸡肉多汁，嫩口。芝士拉丝，虽然餐牌上印有辣椒仔图案，但唔辣，馅饼吸哂d肉汁及酱汁。龙虾汤($48)，超级鲜甜，用上大量龙虾熬制。而且龙虾肉份量亦唔少～烘脆过既面包粒浸软后，吸汤。整体，别出心裁既西餐，从卖相到味道方面，都诚意拳拳有准备。而且环境舒服，情侣撑枱脚、朋友聚会倾计，都合宜。