翠灣漁港

营业中

休息中

晏昼去到柴湾，同朋友相聚一下，就谂住去附近商场食个饭。我哋行过见到柴湾翠湾渔港呢一间酒楼，见到个门面都几四正，于是就入去食个饭。睇过菜单，佢除咗传统嘅点心之外，亦都有一啲比较特别嘅创新点心，当中亦都非常之豪华，例如有鲍鱼，金泊喺上面等等。我哋就谂住叫几个点心，再叫个饭咁样。首先就嚟一个前菜先，我哋叫咗芥辣鱿鱼须，辣辣地非常之好食，由于系新鲜爽口，再配上芥辣，非常之开胃，食唔停口。之后再嚟多两只乳鸽，炸到金黄香脆，一啲都唔油腻。唔使去乳鸽专门店食，喺呢间酒楼都可以食到一流嘅水准。再跟住叫咗个鲍鱼烧卖，估唔到真系有成只鲍鱼喺烧卖上面，同张相一模一样，绝对唔呃人。一笼有三个烧卖，上面有三只鲍鱼，大大只，真系有啲担心酒楼会蚀本。因为我本身都系一个好钟意食鲍鱼嘅人，所以跟住落嚟我都叫咗一个鲍鱼鸡粒炒饭。鲍鱼鸡粒炒饭佢哋系用砂煲上枱，仲系保持热辣辣嘅温度，我再睇一睇，入边都有成10几粒鲍鱼，每粒都起码有$5银咁大，非常之满足。估唔到可以用平民嘅价钱，食到比较高级嘅食物水准，喺柴湾入边咁多间酒楼来讲，算系比较好嘅选择。