中心點 (已結業)

同朋友谂夜晚食咩好，朋友话想食点心，咁啱又行经「中心点」，既然咁有缘份，好啦，比次机会你啦。好好彩，时间尚早，唔使等位就入得。里面环境阔落，座位宽躺，坐得都几舒服。本身我个人都比较腌尖同麻烦，但今晚我竟然觉得所有点心都好好食，唔知系咪太耐冇食点心，又或者系果一刻真系非常肚饿，，食得好滋味。我哋叫咗以下六个点心，全部都值得一试。我最爱系养颜姜汁糕。姜汁味非常浓郁，同时带有少少老姜嘅辣味。糕嘅质感亦都好烟靭同非常弹牙，坚有咬口，口感一流。我第二最爱系红米脆皮鲜虾肠粉。红米脆皮真系脆嘅，皮薄唔油腻；虾肉亦好足料，啖啖肉，新鲜弹牙，加埋甜豉油真系一流！瑶柱生滚生鱼片粥都好食。瑶柱同鱼片份量都算足料，粥上放咗一小堆瑶柱丝（而唔系成碗粥得几条），鱼片都有几块，都算系咁。粥亦都算煲得几绵同滑，调味都唔错，加埋胡椒粉，哗！正呀！沙巴虾烧卖皇酱皇蒸凤爪 姬松茸野菌饺