baby café (已結業)

成日都出街食饭，食到唔知有咩好食。行过经过见到baby cafe 好似好多人食，于是睇下有冇位，有就谂住坐低食！夜晚佢系有做二人精选组合，可以叫2个主菜加1个小食，而且选择都算多，真系有d难拣！最后决定叫1个饭1个沙律再加鸡翼。饭拣左北海道十胜芝士海鲜意大利饭，沙律系烟三文鱼凯萨沙律。意大利饭上面有煎鱼，虽然讲明系有芝士，但系芝士味又唔算特别浓。沙律上面嘅三文鱼又唔错，几好食。一个饭一个沙律加个小食唔太肚饿嘅话就岩岩好，价钱又唔算贵，以商场食肆计已经算系唔错。而且餐汤餐饮系另外加钱，唔要可以唔加，岩晒我呢d饮水嘅人。