大小姐冰室

营业中

休息中

個日同朋友去左北角油街打卡，參觀完就想醫下肚，炮台山地鐵站附近，見到有間茶餐廳好似幾多選擇，就入咗去食。我地點左個二人餐，可以自選菜式兩碟，每人附送白飯例湯及熱飲。是日燉湯 ：蟲草花燉雞上菜速度好快，燉湯仲係熱辣辣，而且非常足料，有好多蟲草花以及雞件，飲落唔咸冇味精。蒜片牛柳粒炸蒜片以及洋蔥好多，牛柳粒煮得好軟身，而且切得大細啱啱好，同白飯一齊食啱啱好。椒鹽鮮魷一上菜已經聞到陣陣椒鹽香，魷魚炸得美黃香脆，魷魚算新鮮，食到停唔到口。飲品不過不失，正常茶餐廳水平。總括而言，二人餐價錢合理，服務態度良好，茶餐廳嚟講算唔錯。