米子燒肉家 (已結業)

今晚同朋友两个人行完街，朋友话想去食个烧肉放题，咁就去试下粉岭中心既米子烧肉家，去到门口见到佢有一个每位$368既放题套餐。呢个套餐都有好多野食，除左有牛肉之外，仲有一堆豚肉，鸡肉，蔬菜，主食可以拣，而且仲可以食埋海鲜类别！先讲主角牛肉类，质素都不错，我地呢个餐跟既系四款和牛类同牛十品，和牛质素极好，绝对值回票价，另外牛舌都要一赞，厚切用料一点唔马虎！豚肉同鸡肉质素都ok, 两个相比之下，鸡肉会比较出色一D!食完三个主要肉类后，其实已经有少少饱，跟住我地再试埋羊架同埋海鲜质素，羊架大大件，调味调得唔错，食落去都几好味！甲罗烧比较少见同特别，啖啖蟹膏食落口可以话系超满足！去到呢一刻我地已经完全饱哂，最后试多少少沙律野菜，中和下油腻，就结束我地丰富既一餐放题。唔记得讲埋呢个价钱系包埋饮野既价钱，有自家制饮品，不过就比较淡味，如果钟意饮甜野既朋友就可以拣返汽水同埋纸包饮品，钟意饮酒既人士亦可以选择啤酒。