牛扒先生 (康怡廣場) (已結業)

东区要拣餐厅可以好难，尤其是budget西餐之选可谓谂爆头。小弟身为食肉兽，当然唔会因为budget而屈就食物质素。咁啱知道Mr steak喺太古城插旗，唔使讲野即刻call齐人去食。食得Mr steak, steak就一定要食，但我又点会净系食steak呢。一于叫个meat platter释放我内心既食肉兽，牛羊鸡齐晒。值得讲下既系佢既medium rare系整得刚刚好，肉够新鲜唔需要大量调味去搭救。同事冇我咁肉食性动物，叫左芝士龙虾+薄牛扒set。正所谓食材重要，timing亦到紧要。上枱时芝士面焗得微㶶，香味渗入龙虾肉。平时懒斯文既同事秒速扫晒仲话要捞埋痴喺虾壳既芝士。唔好误会净系得肉。buffet bar有大量沙律仼食唔嬲。减肥可以拣田园沙律，满足味蕾可以拣日式青瓜蟹柳沙律。搭多几片西班牙黑毛猪火腿，加多个餐前南瓜汤就冇得输。食完appetizer main course，冇甜品又点可以为一餐饭划上完美句号。有第二个胃既朋友可以任拣fruit cake, cheesecake, 啫喱，红豆沙...系buffet style任食。基本上可以满足晒食得奄尖既香港人既口味。