金門餐廳

营业中

休息中

金门餐厅已搬店到湖北街，重新装修干净企理！以前既金门亦都系香港仔开左20多年，今次搬店后第一次帮衬！食物更加有水准，晚市亦都有50多款精选小菜！款式多元化，好多款都好吸引，即叫即炒！但因应防疫期间，只好外卖。蜜椒薯仔牛柳粒，所有配料外层都被蜜糖包住， 倍加香甜！牛柳粒肉质确实又嫩够淋，仲几够滑，唔会干争争！番到屋企都 keep到温度！果然系即叫即整，够哂镬气。青红椒够哂爽甜，份量都够多，正！至于另一份xo酱西芹炒虾球亦好得！西芹再配上韭黄非常清爽，再配上xo酱更加惹味，虾球都几大粒！虾球爽弹又入哂味！小菜配上白饭及老火汤，个汤够足料，无味精入完唔会口渴！新开既金门更比旧店出色。