影片
更多
2019-08-02
886 浏览
上两星期同韩国朋友一齐食晚饭，听讲韩国人就算去到异地，都系中意食返自己家乡既味道。于是我就想带佢去食地道既韩国菜，因为烧肉之前冇几耐先食过，所以今次去左一间食传统韩国菜既地方🐥 餐厅入面既墙壁素净，充满地道既韩国风格。韩国既餐厅都好中意用呢类材质做背景，佢地认为咁样睇落更优雅，更有高级餐厅既气息～ 另外餐厅占地都几大，可以坐好多人。佢地既menu都整得好靓好吸引，韩式烤肉绝对系重点！佢啲肉类既价钱唔算好贵，每一道菜都好吸引，而且款式种类好多 😋 除左烤肉之外，仲有其他韩国小菜，倒如拌饭、水冷面、鱼糕、炒年糕、豆腐汤等等～ 佢地由装潢同餐具，以至所有设备，都系韩式用具，仲有埋饭前必备既小菜，例如惹味泡菜、芽菜，腌萝卜、洋葱等等，金罗宝仲有大量韩式紫菜提供😍🥙 另外仲有两种酱料 一种系韩式风味既豉油，另一种系韩式豆瓣酱 😋一共八道小菜，真系每人大开眼界！我个人最中意韩式烤紫菜、泡菜、凉拌海带同埋辣辣既生腌鱿鱼🦑！我平时都中意泡菜拌饭食，而韩式紫菜系我平日最爱既零食！😍😍海鲜煎葱饼 $148呢个海鲜煎饼好高质！海鲜份量十足，种类丰富， 有大量鱿鱼🦑、鲜虾同辣椒🌶️，好香好鲜味～ 以前喺韩国成日
餐厅入面既墙壁素净，充满地道既韩国风格。韩国既餐厅都好中意用呢类材质做背景，佢地认为咁样睇落更优雅，更有高级餐厅既气息～ 另外餐厅占地都几大，可以坐好多人。
佢地既menu都整得好靓好吸引，韩式烤肉绝对系重点！佢啲肉类既价钱唔算好贵，每一道菜都好吸引，而且款式种类好多 😋 除左烤肉之外，仲有其他韩国小菜，倒如拌饭、水冷面、鱼糕、炒年糕、豆腐汤等等～
佢地由装潢同餐具，以至所有设备，都系韩式用具，仲有埋饭前必备既小菜，例如惹味泡菜、芽菜，腌萝卜、洋葱等等，金罗宝仲有大量韩式紫菜提供😍🥙 另外仲有两种酱料 一种系韩式风味既豉油，另一种系韩式豆瓣酱 😋
一共八道小菜，真系每人大开眼界！我个人最中意韩式烤紫菜、泡菜、凉拌海带同埋辣辣既生腌鱿鱼🦑！
我平时都中意泡菜拌饭食，而韩式紫菜系我平日最爱既零食！😍😍
海鲜煎葱饼 $148
呢个海鲜煎饼好高质！海鲜份量十足，种类丰富， 有大量鱿鱼🦑、鲜虾同辣椒🌶️，好香好鲜味～ 以前喺韩国成日会同朋友饮米酒配海鲜煎饼，然后倾计倾足几个钟～呢个海鲜煎饼同韩国既煎饼相比，真系平分秋色，韩国既较薄，而呢个就更多海鲜～
最可惜既系，我地眼阔肚窄，最食唔晒，又唔好意思打包，所以有几片煎饼静静咁躺于煎板上 🥺🍕
牛骨绍菜豆酱汤 $145
牛骨绍菜豆酱汤好地道，无论系卖相定味道，都同韩国食到既豆酱汤非常相似～其实要煮好味既牛骨汤有一定既难度，一黎牛骨必须到传统市场采购，咁先可以确保牛骨既品质上盛，二黎制作牛骨汤需要花上好几个小时熬煮。
牛骨大酱汤味道浓郁，入面有韩国菜常用既蔬菜，包括薯仔、高丽菜、金针菇、洋葱、青葱、辣椒同豆腐等等，并加入适量既大酱同埋辣椒酱～
值得一提既系，牛骨既鲜嫩口感非常迷人，而且牛肉味道浓郁，每一啖都系一大满足～ 🐮🍖大家黎到金罗保，真系要试下佢既牛骨汤～
韩式猪什汤 $138
虽然餐牌上写住猪什汤，但其实多数人都会叫佢做米肠。米肠系韩国既传统街边小食，虽然佢叫米肠，但佢并唔系用米做既。传统韩国米肠系将红薯粉条切碎，然后灌入洗干净既猪大肠里入面，再将佢切粒。呢种红薯粉条做既米肠系最常见既一种米肠。
韩国朋友话韩国人食米肠个阵，一般都会蘸盐食，盐里面会加啲胡椒同辣椒面。不过佢更中意加入泡菜萝卜，更加惹味～
我地本身都好中意食米肠汤，因为米肠除左口感丰富之外，味道都好独特，完全唔系平时香港街头小食个啲内脏、猪什味，呢个米肠汤带点辛辣味，绝对会食上瘾！
所有菜式到齐之后，我就为佢地黎左一个大合照！无论系餐具、伴碟定摆设，都同韩国当地既餐厅无异，非常正宗，香气四溢，令人垂涎三尺 😋最后埋单每人二百几蚊，呢个价钱合理，因为野食既份量真系好多～ 而且店员都好亲切，食物质素真心好高，系香港少有既高质韩国餐厅，好推介俾大家，希望迟啲再黎食过啦！😚
张贴
