影片
更多
2018-05-04
1632 浏览
今晚嚟到荃湾广场睇戏，戏前揾野食，去到cow bean见到佢哋做紧个芝士焗龙虾伴美国西冷牛扒餐做紧推广，以$138 嚟讲又真系几抵食！就2 话不说入去帮衬！ 餐厅装修精致，空间感颇佳，环境舒适，适合三五知己一齐嚟食饭，饮下野倾下计！厨房系开放形式，食物既香味经常由此传出！ 令到我胃口大增！餐厅主力推广呢个西冷牛扒餐，除了呢个精选套餐外，其他野食及饮品其实都非常实惠，而且选择亦见多元化！餐厅另一推用料上乘既极上牛当，不过今晚决定食西冷牛扒，有机会先再食呢个套餐！主菜好快就送到嚟，抵食夹大件，足足手板咁大既西冷牛扒，配上入面劲多虾子既芝士焗龙虾，睇已经觉吸引，牛扒既香味四溢，已经好吸引！龙虾内除左甜美既龙虾肉外，仲有劲多虾子，喜欢食虾子既朋友应该会叫出嚟！我叫左牛扒5 成熟，亦整得恰到好处，牛油味香浓，肉汁颇丰富，亦非常嫩滑！最后我仲加钱食埋个红苹果蛋糕，势估唔到个蛋糕咁有惊喜，完全系外脆内软，外面有层非常香脆既白朱古力，再包住香甜既慕丝，而最中间既部份有酸酸甜甜既苹果蓉！ 我觉得最好既食法就系要集齐白朱古力，慕丝，同苹果蓉一齐食，口感一流！呢餐以百几蚊既价钱食到咁高质既晚餐，可以话系非常
餐厅装修精致，空间感颇佳，环境舒适，适合三五知己一齐嚟食饭，饮下野倾下计！
厨房系开放形式，食物既香味经常由此传出！ 令到我胃口大增！
餐厅主力推广呢个西冷牛扒餐，除了呢个精选套餐外，其他野食及饮品其实都非常实惠，而且选择亦见多元化！
餐厅另一推用料上乘既极上牛当，不过今晚决定食西冷牛扒，有机会先再食呢个套餐！
主菜好快就送到嚟，抵食夹大件，足足手板咁大既西冷牛扒，配上入面劲多虾子既芝士焗龙虾，睇已经觉吸引，牛扒既香味四溢，已经好吸引！
龙虾内除左甜美既龙虾肉外，仲有劲多虾子，喜欢食虾子既朋友应该会叫出嚟！
我叫左牛扒5 成熟，亦整得恰到好处，牛油味香浓，肉汁颇丰富，亦非常嫩滑！
最后我仲加钱食埋个红苹果蛋糕，势估唔到个蛋糕咁有惊喜，完全系外脆内软，外面有层非常香脆既白朱古力，再包住香甜既慕丝，而最中间既部份有酸酸甜甜既苹果蓉！ 我觉得最好既食法就系要集齐白朱古力，慕丝，同苹果蓉一齐食，口感一流！
呢餐以百几蚊既价钱食到咁高质既晚餐，可以话系非常抵食！ 有机会要再嚟食埋另一个牛当！
张贴
