和匠日式燒肉店

营业中

休息中

今日去咗佐敦食烧肉，餐厅都扎根佐敦好多年，食物简单，食材有心思。前菜蕃茄沙律，简单嘅粟米蕃茄生菜配少少日本嘅酸汁，够开胃，食肉之前都要食少少菜。点了牛魔再现套餐，有特级美国牛小排，和牛及牛柳粒，上枱见到每种肉嘅雪花都好均匀，纹路清晰！首先食咗个美国牛小排，入口有油香，肉味够浓。第二种系A4和牛肉眼，一路烧一路见到火光红红，油份必晒出嚟，已经非常吸引，唔使烧到全熟表面有焦香，就刚刚好，入口即溶，油肪甘香。最后美国牛角切，慢慢烧熟每个表面，再等一等就可以食得，虽然系角切位置，但系入口都好松软，一啲都唔会韧，而且有我喜欢的肉味，越咀嚼越有味！另外枱面会有些柚子，烧汁 , 胡麻酱，食得太多肉，有时候加点酱汁调下味都不错！唔够喉加咗个日本日本阿波尾鸡，日本嘅鸡肉特别细致，烧熟之后唔会觉得有躁味。之后嗌咗个大虾天妇罗，师傅炸嘅时候应该加咗啲天妇罗丝喺面，所以成个虾入口外皮非常松脆，就算点埋酸汁，外皮依然坚挺够香脆。最后嗌咗个牛肉拉面，牛肉够粉嫩，配搬合拉面汤猪骨汤，又饱肚又好味！