影片
更多
2013-05-05
79 浏览
跟老婆晌丼丼屋食堂食晚饭，由于甜品一环唔多突出，只有几款新地系列、千层蛋糕及班尼士，所以索性去石磨坊食糖水当饭后甜品。石磨坊一直盘据太子、旺角，晌依两区已经有成3间分店，较新一间分店却落户粉岭，拣到咁远，有啲摸不著头脑，唔通因为租平？姑勿论点，太子旺角几间分店一直都几旺场，好似今晚晌豉油街分店，里面就坐满晒人，外面都有几批人等位。不过，由于依类糖水铺坐得逼逼夹夹，啲人食完即走，都喺快上快落，我哋等咗10分钟就有枱。餐牌第一版就喺「石磨坊推介」，当然要会一会佢啦，拣嚟朱古力蛋白炖鲜奶，贪佢够晒古灵精怪，而翻去后几页，就喺石磨坊嘅手本嘢生磨靓糊，乜糊物糊就最啱我老婆。此外，餐牌都仲有好多选择，凉粉、西米露、刨冰、传统糖水、珍珠系列依啲都走唔甩，近年大热嘅3.6牛乳布丁、绵花冰（石磨坊叫做冰花雪）都有，而较特色嘅仲有台湾九份系列，例如：地瓜圆、芋圆……等，以及几款精选糕点。朱古力蛋白炖鲜奶 $22外观麻麻哋，表面岩岩巉巉起晒泡泡，似喺炖好蛋白鲜奶后，就咁晌上面洒朱古力粉待溶，如果淋一朕薄薄嘅朱古力浆唔知卖相会唔会仲好啲。虽然口感挺滑溜，可惜炖蛋白鲜奶里面嘅朱古力味唔喺好出，主要都喺靠面层嘅朱
石磨坊一直盘据太子、旺角，晌依两区已经有成3间分店，较新一间分店却落户粉岭，拣到咁远，有啲摸不著头脑，唔通因为租平？姑勿论点，太子旺角几间分店一直都几旺场，好似今晚晌豉油街分店，里面就坐满晒人，外面都有几批人等位。不过，由于依类糖水铺坐得逼逼夹夹，啲人食完即走，都喺快上快落，我哋等咗10分钟就有枱。
餐牌第一版就喺「石磨坊推介」，当然要会一会佢啦，拣嚟朱古力蛋白炖鲜奶，贪佢够晒古灵精怪，而翻去后几页，就喺石磨坊嘅手本嘢生磨靓糊，乜糊物糊就最啱我老婆。此外，餐牌都仲有好多选择，凉粉、西米露、刨冰、传统糖水、珍珠系列依啲都走唔甩，近年大热嘅3.6牛乳布丁、绵花冰（石磨坊叫做冰花雪）都有，而较特色嘅仲有台湾九份系列，例如：地瓜圆、芋圆……等，以及几款精选糕点。
朱古力蛋白炖鲜奶 $22外观麻麻哋，表面岩岩巉巉起晒泡泡，似喺炖好蛋白鲜奶后，就咁晌上面洒朱古力粉待溶，如果淋一朕薄薄嘅朱古力浆唔知卖相会唔会仲好啲。虽然口感挺滑溜，可惜炖蛋白鲜奶里面嘅朱古力味唔喺好出，主要都喺靠面层嘅朱古力粉而矣，个人嚟讲，觉得个朱古力蛋白炖鲜奶麻麻哋。
腰果糊 + 杏仁糊 $23糊类产品又真喺几多㖞，果然喺「省招牌」嘢，芝麻糊、杏仁糊、栗子糊、腰果糊、合桃糊、椰子糊，但竟然无花生糊㖞！本来两沟糊都会晌糊面画花，不过依家都「求求其」捞埋就算。个别而言，腰果糊同杏仁糊都几香几滑，不过，夹埋一齐之后又好似一般般，唔喺话唔好食，只喺两者未有产生化学作用，可能杏仁味本身较抢。食糊，我都喺钟意深水埗嘅绿林同甜甜地。
虽然两款甜品都未有令我哋好满意，但总算试到啲特别嘢，亦知道咁配法唔喺个好配搭。单以依两个甜品计，真喺试一次就够喇！
张贴
