影片
更多
2014-01-20
80 浏览
过完新历新年，好快又到过农历年，其实早晌12月已见各大商号、酒家、餐厅、饼店推出林林总总嘅贺年糕品，传统嘅有萝卜糕、芋头糕、年糕、马蹄糕……等等，新派嘅更加多不胜数，甚么亚麻籽绿茶枣皇糕、紫薯玉露糕、发财蚝豉莲藕糕、富贵樱花虾金腿马豆糕抹茶开心果糕、紫米黄姜糕、燕窝杨枝甘露糕、山楂草莓乳酪糕 ……真喺层出不穷、创意无限。「功夫点心」贵为点心专门店，师傅做糕无难度，贺年糕品依个赚钱大饼又岂会唔分番一啖吖。小弟有幸喜获店方送赠两盒贺年糕品，都喺极传统嘅腊味萝卜糕及椰汁年糕 ，屋企人都钟意食糕，最啱就煲啖粥，食粥𩠌糕又一餐。 腊味萝卜糕 $88 各门各派都有自己做糕嘅方程式，而功夫点心嘅腊味萝卜糕晌标榜新鲜香港制造，不含人工香料，惹味鲜肉腊肠，严选顶级虾米，配以粗条萝卜。一盒净重900g嘅腊味萝卜糕十分坠手，定价$88算经济实惠 。打开包装，糕面以虾米居多，腊肠只占少部份，怕肥肉嘅人就啱晒。再切开糕身，粗条萝卜清晰可见，唔使估估吓足唔足料。煎香后嘅萝卜糕，个人觉得质感喺有少少削身，不过，入口咬落一条条萝卜肉，清甜有口感，加上煎得焦香嘅虾米同腊肠，味道不俗 。是晚，就喺煲咗生菜鲮
腊味萝卜糕 $88 各门各派都有自己做糕嘅方程式，而功夫点心嘅腊味萝卜糕晌标榜新鲜香港制造，不含人工香料，惹味鲜肉腊肠，严选顶级虾米，配以粗条萝卜。一盒净重900g嘅腊味萝卜糕十分坠手，定价$88算经济实惠 。打开包装，糕面以虾米居多，腊肠只占少部份，怕肥肉嘅人就啱晒。再切开糕身，粗条萝卜清晰可见，唔使估估吓足唔足料。
煎香后嘅萝卜糕，个人觉得质感喺有少少削身，不过，入口咬落一条条萝卜肉，清甜有口感，加上煎得焦香嘅虾米同腊肠，味道不俗 。是晚，就喺煲咗生菜鲮鱼球粥嚟𩠌萝卜糕 ！
椰汁年糕 $78 同样一盒净重900g，标榜新鲜香港制造，绝无添加色素 。为免啲年糕煎后黐埋一旧旧，我哋都会沾蛋浆嚟煎。加埋煎饺子，配蚝豉螺片瘦肉粥，已喺我哋一餐极饱肚嘅早午餐。年糕煎得外香内软，多得我老婆煎糕手势好，虽然椰汁味未有预期般香浓，但都可以话香甜不腻，简单而味道扎实 。
虽然功夫点心唔喺咩城中名店，所出嘅贺年糕品亦只喺传统款式，唔搞咩花臣嘢，但定价合理又足料，不妨一试 ！
张贴
