神川日本料理 (已結業)

是日庆祝我同老公拍拖纪念月，去左呢间我一路都好中意既餐厅！平时食开西营盘总店，今次拣新分店，装修比西营盘新净整齐，座位阔落，但保留住黑到可以用黎偷情既情调🤣。拥有丰富清酒知识既总厨同埋跟佢多年既靓仔副手宜家驻守新分店。餐厅 signature 糖心濑尿虾真系无敌好食🤤！好中意佢 jelly 状既虾膏，从来无系其他地方见过！仲有好推介象拔蚌，真系好鲜甜，我觉得可以无限食😂。仲有我最爱既沙甸鱼卷，鲭鱼卷，银雪鱼同熟成拖罗，鱼味全部非常浓郁。最爱佢地既海鲜粥，系经过不同日子既鱼骨虾壳肴出黎，可以食多几碗🤩！好喜欢饮 sake 既我，当晚饮左多款主厨推介既特别酒，唔贵，每支都系600+左右。呢度如果食过1000蚊 per head menu 仲可以自己带酒免 corkage。 好推介特别日子黎呢到食餐好！甜品碟上画左个我最爱既 snoopy! 好靓好有 heart ！每次食都好有惊喜！