麻甩系(花甲粉)

营业中

休息中

上次系一间串烧店食左个花甲粉好好食，今日回家路经呢到有间专卖花买粉，于是决定左晚餐啦！今次系我第二次食，我拣左个名最架势果款🤣呢排要戒口唔食辣汤底拣左蒜香，等外卖时系店外都闻到劲香嘅蒜味！番左屋企成粒钟都好够热，粉丝同汤分开装非常好！配菜都唔少娃娃菜、金菇、芽菜、豆卜，主角花甲比我上次食嘅大只，大概有十几只，粉丝偏韧，钟唔钟意偏韧嘅就见人见志啦！建议要早d放落汤整散佢，因为唔系淋身果只，唔系会难吸汤～鱿鱼须不过不失啦，唔会好大条，但系呢个份量绝对对得住呢个价钱嘅！今晚嘅惊喜位系糖水，本身冇谂住食架，见餐牌写住十八蚊，就算好细碗细极有个谱嘅，咁平唔试下对唔住自己！打开都唔系好细碗啫，料又多，唔会太甜得黎个甜味岩岩好，呢个份量对我黎讲岩岩好，下次要试其他糖吖，因为我本身想叫腐皮果个冇晒冻，应该都好好味🙈