誠記小籠包拉麵 (已搬遷) 新店位置

平日成日经开行过见有人响门口叫人入去食嘢，话支持90后，今日放假就同婆婆试试好唔好食。 入到去舖面很细，有约二十五个位(唔计小巷的台)，咁啱有张二人台，于是唔使等位就坐低。店员同我讲招牌食物是生煎包和八宝冰，但见左右隔离台都话生煎包层皮唔脆同八宝冰太"结"所以无叫到，最后叫左个咸鸡担担面餐，配玉米汁，小笼包，加钱要乌梅汁同合桃芋圆芝麻糊。咸鸡担担面，面无问题但鸡很油腻同很"生"，好在无血水出。乌梅汁婆婆话似淡的酸梅汤，玉米汁有粟米味唔错。小笼包同合桃芋圆芝麻糊都好味，芋圆和丸子淋淋地又有口感，婆婆都话食到易入口。感觉上呢间食肆好似糖水甜品好食过其他主食。