樂都堂水 (已結業)

今日约左去朋友会所玩，行出屋苑见有间「堂水店」不妨一试啦！见餐牌选择不多，但就主打糖水，睇左一阵先睇得明咩叫胆拖糖水🤭🤭🤣胆拖自选糖水原来胆拖即系先要拣一款主要糖水，然后就可以拣多款唔同配料咁解。。。我点左红豆沙配汤丸，芋圆，桃胶，芒果同雪燕。红豆沙唔太甜，非常起沙，有古早味；芋圆一睇就知系手工，口感唔够Q,但就食得出原汁原味；雪燕口感非常正，好似燕窝，仲拉得出丝添；桃胶有烟韧口感，微甜；芒果正常；汤丸皮薄，芝麻馅味道唔错㖞。一次过食到咁多样野好满足，不过一个人食就真系会太饱，早知足埋个Friend黎食。