影片
更多
2017-02-27
187 浏览
喺佐敦食完晚饭，自然想食碗糖水，嚟咗呢间朋友之前介绍过嘅老店，估唔到呢间小店麻雀虽小， 但系五脏俱全， 除左糖水，仲有粉面饭粥同小食，食物种类非常多元化，而且每一样食物嘅价钱都好亲民，明显系做街坊生意。见到餐牌有越式蔗虾($20)，觉得好得意就立即点左一客黎食啦！ 每只蔗虾都炸到金黄色，外型吸引，咬落虾肉亦好弹牙， 虽然唔多食到甘蔗既清甜味，但始终呢度唔系正宗越南餐厅，所以平平地又可以过下口瘾都唔错啦！当然唔少得食糖水啦！我点咗嘅至爱－－杨枝甘露（$26），街坊价，但系西米同芒果份量都好足料，性价比好高！ 芒果虽然唔系当造，但系仍然好香甜，椰浆味唔算系好突岀𠮶种，不过整体唔会过甜，甜度刚刚好，不过碌柚就食落有啲苦，少少扣分。值得一赞嘅系老板同伙记都非常友善同有礼貌，所以呢间小店绝对值得支持！！
见到餐牌有越式蔗虾($20)，觉得好得意就立即点左一客黎食啦！ 每只蔗虾都炸到金黄色，外型吸引，咬落虾肉亦好弹牙， 虽然唔多食到甘蔗既清甜味，但始终呢度唔系正宗越南餐厅，所以平平地又可以过下口瘾都唔错啦！
当然唔少得食糖水啦！我点咗嘅至爱－－杨枝甘露（$26），街坊价，但系西米同芒果份量都好足料，性价比好高！ 芒果虽然唔系当造，但系仍然好香甜，椰浆味唔算系好突岀𠮶种，不过整体唔会过甜，甜度刚刚好，不过碌柚就食落有啲苦，少少扣分。
值得一赞嘅系老板同伙记都非常友善同有礼貌，所以呢间小店绝对值得支持！！
张贴
