糖朝 (已結業)

好耐以前糖朝好出名，好好食，知佢搬左好耐但无食过，今晚同屋企系广东道食完饭跟手食糖水，经过糖朝入去食吓，随便叫左芝麻糊，杏仁露，杨枝甘露，糖不甩....真系未食过咁难食嘅糖水。芝麻糊同杏仁露好明显‘粉沟’嘅，但我有时买超市果啲都好食过佢，「沟」都买啲好质素啲嘅粉或者‘沟’好啲唔该。老公食杨枝甘露，重衰，唔知咩嚟嘅...糖不甩啲糖有少少苦......两百蚊埋单。 今次系我平生第一次写食评，可想而知佢差到嘅地步.....太太太令人失望😞 行入铺头第一感觉-唔系比香港人食嘅！