良美飯堂

营业中

休息中

外面见呢间新饭堂系新嘅，个名玩食字，但系又唔起眼又冇招牌，因为外面望到入边都几企理，就入去试咗个咖喱吉列猪扒饭。块吉列猪扒认真大块，卖相就真系几唔错嘅。切开放落口其实个吉列外皮几松脆，猪扒都腌得味道唔错，有肉汁唔干，算系有惊喜。个咖喱本身系港式咖喱，唔太辣，个味道都比较大众化，应该都啱好多人口味，唔怪得见到侧边有几个人都有叫咖喱。仲可以咖喱牛腩或者其他肉类选择。呢间饭堂都算系咁，冷饮冇加钱。而家走塑之后呢度D纸饮管都算唔错 ，起码饮冻饮冇浸一阵就软哂。个人认为比预期好，我会再返转头试佢哋嘅葱油系列同埋焗饭系列。