西關老祖 (文苑樓)

营业中

休息中

有时去到粮尾想食平啲，其实都可以食得好丰富。佐敦呢间小店主打外卖狗仔粉，大件夹抵食。入面有香菇片、自家制嘅西关濑粉、辣菜脯同埋劲多葱，有少少似狗仔粉，一样咁惹味，唔使$20一份，有时都系一个速食嘅好选择。但菜脯食落有啲辣，要买定豆浆先至得。另外叫咗一份XO酱炒肠粉，唔系间间小店有得食，XO酱俾得多，有虾米嘅咸香，食落唔太油。另外黑毛猪炸糭好有惊喜，好似一般旧式粥舖先至会有，冇谂过呢间小店都会有。个外皮炸得好脆，入边糯米同埋馅料好多好软糯。除咗佐敦分店仲有葵广分店，以后扫街就多一个选择。