潮龍園

营业中

休息中

又到粮尾，唔想颓食两𩠌饭，我一定嚟呢间～粉面都系30令蚊，我哋仲点多碟菜、小食同埋嘢饮，承惠唔使100蚊！！！五香牛杂汤粉 $34牛杂每样两件，好有牛味，汤都浓郁，河粉好大兜，净食呢碗我都够晒饱！鲜虾饺面 $30饺好大只，皮好薄，除左有鲜虾，仲有木耳，都几爽脆，都系30蚊，抵食！酥炸鱼皮 $15估唔到炸鱼皮成座山咁多，炸得酥脆之余，又唔油腻腐鱼通菜 随餐+$12通菜都几新鲜爽口，仲要腐乳畀得几足，平时冇乜食菜，呢餐有菜真系加分最后，嚟返杯冻柠菜少甜（随餐+$8），野食咁丰富，都唔使一旧水，真系粮尾恩物呀！