龍鳳號 (裝修中)

今日嚟观塘食呢间台式餐厅，位于好多野食既中海日升中心，装修好有中式风味，餐牌有台式经典小菜，鲁肉饭，肉燥饭，家乡卤水，台式饮品及甜品等等… 所有食物都冇添加味精同色素👍🏻🍚古早味鲁肉饭 $38🤩装到满满一碗，价钱平都冇偷工减料，鲁肉嘅份量都几多，酱汁香浓，咸甜平衡适中，鲁肉肥瘦适中，捞饭食绝配，必食之选⭐️🍆酱烧茄子 $38😍卖相精致，做法都好有诚意，将烧香茄子切件，茄子外皮烧到好香里面好淋，加上酱汁同香蒜香葱，非常惹味又唔会太咸，推荐👍🏻卤水拼盘 $78拼盘有卤蛋，卤豆腐，卤猪耳，卤大肠。佢嘅卤水汁咸甜适中，卤蛋一睇就知卤得好入味；卤豆腐吸收左卤水汁好香；猪耳爽脆惹味，卤大肠都洗得好干净，唔会好油腻。惹味肉燥干拌新竹米粉 $38😋最钟意食台湾嘅新竹米粉，米香味浓，口感烟韧Q弹，加埋惹味肉燥，芽菜，葱丝干拌非常夹。整体来讲，食物质素唔错，做法正宗，特别推荐古早味鲁肉饭，性价比好高，系粮尾恩物，外卖自取仲有85折，值得推荐。