川霸王 (已結業)

呢间小店之前同朋友食完，一直都记住佢嘅鱼香茄子饭（真系好食，其他餐厅食唔到呢个味道），但今次再嚟发现转咗餐牌，于是试下新菜式水煮系列。霸王粉面 $58可以自由配搭粉面同配料，唔食得辣嘅我唯有食清汤，配料拣咗金菇、油麦菜、墨鱼丸配米线，除咗粉面外，记得要加$15转套餐，包饮品同一个小食，好抵食！我拣咗玫瑰茉莉茶，唔甜但会带有花香味，好清香，小食就拣咗鸡丝粉皮，呢个鸡丝粉皮配花生酱，味道偏重，配米线都几夹！驰名水煮鲜牛肉（小辣） $61虽然拣咗小辣，但其实唔辣，建议平时食开辣嘅话可以拣中辣或者大辣，牛肉份量多，𩠌饭刚刚好！另外转套餐配孜然鸡翼同铁观音。味道唔系一试难忘果种，但胜在性价比高，粮尾首选餐厅，有主食、小食同饮品，人均都唔洗$80！