九記牛什粉麵

营业中

休息中

我由29蚊食到佢而家33蚊，九记一直都系铜锣湾里面抵食嘅车仔面之选。如果你系粮尾咁就非常之合适啦！九记必定要拣嘅就一定系佢哋最出名嘅煎鱼饼， 煎得非常之香，老细亦都会帮你剪开佢一条条方便食。份量都唔细，大概有2/3只平时茶餐厅装只奶茶嘅碟咁大。而另外其他𩠌我通常都系食白萝卜，份量都唔少，大概有5旧，抵玩。今次就嗌咗牛筋腩，炆得好冧好易咬。九记我通常都会选择食捞面多过食有汤嘅，今次就拣咗捞粗，加埋佢嘅炸蒜同酱，大满足。