和処酒肴 (已結業)

Sakana

4.5

4.5

197 食记

味道

环境

服务

卫生

抵食

|

3362

尖沙咀

$801以上

日本菜酒厨师发办

188

1

4

Handsome XO

等级6

1.2K

123

不经不觉同honey一起已踏入第二个痒年期，为庆祝纪念日，两口子就决定一试尖沙咀一间极之隐蔽o既日本料理小店「和処酒肴」，甜蜜地温馨一番。为怕要揾地方而迟到，两口子早于傍晚五点半抵达佐敦地铁站，行咗大约八分钟其实已经过餐店门口，只系其灰黑o既门面不甚起眼，结果要兜咗几次先留意到。新店面积唔系好大，正门旁间咗一间「清酒吧房」，不过因雪柜未安装妥当，现阶段只能暂作候座区。直入即见可坐十人o既寿司吧，木造o既装潢简洁卫生，光猛干爽。吧枱上立体式o既餐具的骰洁净，当中最可爱必选清酒壶形o既筷子座。楼面由幽默温婉o既靓女姐姐独力招架，精通中、日、英语之余，就连桌上摆放出o既折纸小品都全出自其玉手亲制，实在能干。只做晚市o既「和処酒肴」以「酒肴」起名，据悉此乃日藉老板好饮爱食之故。细佬单睇白板上手绘o既日本清酒地图，足以有大开眼界之感。身兼厨师及侍酒师两职o既Kita-san态度专业，对食物质素十分讲究，每晚只做一轮生意，日头就忙碌做准备功夫。晚餐只供「波」（$650/位）、「潮」（$880/位）、「肴」（$1,300/位）三款「おまかせ」（厨师发办）选择，价格越高即代表菜式份量更为丰盛。套餐

更多

不经不觉同honey一起已踏入第二个痒年期，为庆祝纪念日，两口子就决定一试尖沙咀一间极之隐蔽o既日本料理小店「和処酒肴」，甜蜜地温馨一番

为怕要揾地方而迟到，两口子早于傍晚五点半抵达佐敦地铁站，行咗大约八分钟其实已经过餐店门口，只系其灰黑o既门面不甚起眼，结果要兜咗几次先留意到

新店面积唔系好大，正门旁间咗一间「清酒吧房」，不过因雪柜未安装妥当，现阶段只能暂作候座区。

直入即见可坐十人o既寿司吧，木造o既装潢简洁卫生，光猛干爽。

吧枱上立体式o既餐具的骰洁净，当中最可爱必选清酒壶形o既筷子座。

楼面由幽默温婉o既靓女姐姐独力招架，精通中、日、英语之余，就连桌上摆放出o既折纸小品都全出自其玉手亲制，实在能干

只做晚市o既「和処酒肴」以「酒肴」起名，据悉此乃日藉老板好饮爱食之故。细佬单睇白板上手绘o既日本清酒地图，足以有大开眼界之感

身兼厨师及侍酒师两职o既Kita-san态度专业，对食物质素十分讲究，每晚只做一轮生意，日头就忙碌做准备功夫。

晚餐只供「波」（$650/位）、「潮」（$880/位）、「肴」（$1,300/位）三款「おまかせ」（厨师发办）选择，价格越高即代表菜式份量更为丰盛。套餐配选清酒一杯或甜品一客，另外亦可加$350配五杯清酒

。首次光临，希望可称为潮人o既XO仔就点咗两份「潮」餐

如果套餐唔够食可于中、日、英对照o既推介餐牌点选追加食品。

得知店主o既清酒学问深远，原本无意饮酒o既情人即索取酒牌参阅。眼见多款靓酒居然可以续杯叫，其中更包括久仰大名o既「十四代」及「矶自慢」，二人即每人先要咗杯平啲o既「十四代本丸秘伝玉返し」。

十四代本丸秘伝玉返し（$180/杯）：细佬见识真系浅薄，喺香港饮清酒都系第一次见到以木盒承载著玻璃杯仔，姐姐仔斟酒时仲要斟至满泻，未饮经已令人期待万分

！冻饮o既「十四代本丸秘伝玉返し」喺杯中已散发著芳香，第一口先尝到清甜o既梨香，越饮越觉酒品醇滑易入口，honey边饮边笑瞇瞇，美人与美酒一样迷人！

十四代本丸秘伝玉返し

正当小肥仍沉醉于齿颊留香o既「十四代」清酒时，第一道「季节の前菜盛り合わせ」即震撼地呈现眼前

。大圆碟上摆放有十二味前菜，当真极之丰富！靓女姐姐话前菜项目每天款式不同，亦无特别食用次序。XO仔就由一点钟起顺时针方向食，寿杯圆心就留待最尾。

季节の前菜盛り合わせ

薄薄o既盐味莲藕片如薯片般脆卜卜，但又一啲都唔油，送酒一流。

盐味莲藕片

右旁貌似沙律o既其实系希灵鱼籽伴海带，黏黏甜甜且一啲都唔腥，咬落又带点爽脆，都几得意。

希灵鱼籽伴海带

爽口o既青瓜本身味淡，点上面豉酱食就美味得多。

青瓜伴面豉酱

碟上最意想不到o既食材一定非两只杯中间𠮶件日本金银毕芝士莫属！以酒盗点缀o既o既芝士可谓双重重口味

，真系未必人人啱。

日本金银毕芝士

小杯中o既山葵八爪鱼香辣惹味，成功唤醒不少味蕾及神经。

山葵八爪鱼

杯边红色o既小点原来系鳕鱼肠，其质感爽滑，味则与韩式泡菜相近。食咗两味辣点，清脆o既白萝卜同鲜黄清新o既菊花瓣刚巧为口腔洗涤一番。

白萝卜、菊花瓣、鳕鱼肠

十点钟方位o既萤光鱿鱼滑溜非常，鱼味浓得黎却又不惹人反感。

橙黄色o既蛋蛋集溏心软润香滑于一身，细腻得很！

因细佬怕食到鱼骨，寿杯中o既南蛮渍鱼就送咗俾honey食。

接著o既「刺身三种盛」以圆盆上枱，摆碟犹如一盆靓花艺术品般

，极富美感。

刺身三种盛

就连相衬o既豉油碟都有型过人，尽显选具之人o既设计心思

刺身三种盛

刺身拼盘上，前方白色o既平目鱼清香软身，左边透著橙光o既金目鲷鲜浓柔韧，右后方o既深海池鱼则爽厚润泽，各有千秋。

刺身三种盛

虽说套餐只有刺身三种，但吃毕，师傅又送上大大只北海道生蚝

北海道生蚝

生蚝有橙亮晶莹o既三文鱼籽及青葱为其添上色彩，简单喺面唧几滴柠檬橙汁（特产生果乃柠檬及橙之混血品种）及点上秘制柚子汁，肥厚o既生蚝变得分外清新鲜美，三文鱼籽喺口中爆裂恰好保持口中o既湿润，妙哉！

北海道生蚝配柠檬橙及秘制柚子汁

Honey因肠胃敏感不宜进食贝壳类鱼鲜，小肥则怕骨而避开唔食煮鱼及烧鱼，相方惯性地对调食物；细佬一个人叹哂两只北海道生蚝，而鱼后情人则独享两份烧物「天然𫚕鱼烧」。相信二人从不争食之举可算为大家相处融洽之道

天然𫚕鱼烧

靓女教路，饮完玻璃杯入面o既清酒，再将木盒剩余o既倒埋落只杯度饮，可为清酒增添一份木香，味道变得成熟不少，事实亦确真如此。如上图所示，食到烧物依环，细佬杯「十四代本丸秘伝玉返し」亦早已喝光！由于实感意犹未尽

，XO仔就应靓女姐姐推介，升级要咗杯「十四代中取り纯米吟酿播州山田锦」（$360/杯）。

十四代中取り纯米吟酿播州山田锦

讲真自己唔系咁识饮酒，更无资格品评日本清酒，两杯「十四代」名酒价格相差一倍，饮落两者均幼滑香醇，可能系先入为主o既关系，个人略偏向果香味较浓厚o既「十四代本丸秘伝玉返し」，$180杯绝对可以接受。

十四代本丸秘伝玉返し & 十四代中取り纯米吟酿播州山田锦

呷咗两口美酒后，面前突然出现咗个靓靓葫芦。

鳗鱼茶碗蒸

打开一看，发现葫芦内有干坤

；顶层一小壶热汤汁液，中间一件烧鳝，最底层为热辣辣o既炖蛋。

鳗鱼茶碗蒸

鳗鱼茶碗蒸

合体后o既「茶碗蒸」清甜软滑，极其暖胃。

鳗鱼茶碗蒸

食完两味热食后，终于轮到寿司八贯出场。

第一件平目鱼寿司面层涂上面豉酱，质感及味道比之前𠮶两件平目刺身更为润口及惹味。

平目鱼寿司

第二件大拖罗寿司鲜美亮泽，入口即溶，再送一口「十四代中取り纯米吟酿播州山田锦」佳酿，正到晕呀

大拖罗寿司

第三件长长o既伊左木寿司虽只用姜蓉调出鲜味，效果却一样出色。

伊左木寿司

第四件鲭鱼寿司夹入咗薄薄o既姜片及紫苏叶，三者产生o既中和作用令寿司o既鱼味鲜浓得黎带点酸甜芬芳，食咗咁多味后一啲都唔觉溜滞。

第五件甜虾寿司有清新o既山葵带动，爽滑得黎倍感鲜甜。形态卷曲o既球状寿司展示出剔透o既甜虾下o既寿司饭原来系有颜色o既，相信就系香港武滕鹤荣先生曾经讲解过o既「赤酢饭」

（如果冇理解错误，「赤酢饭」最适合配浓味o既鱼材，唔怪得知Kita-san每件寿司都加插咗啲味浓o既元素啦，似乎二人乃同道中人

第六件金目鲷寿司顶面o既并非面豉酱，而系日本XO酱！心谂件金目鲷寿司应该同之前件刺身差不多，点知好有惊喜地，第一口咬落去居然系超级香口兼脆卜卜

，全因日本XO酱内含芝麻粒所致，

金目鲷寿司

第七款青森三文鱼籽寿司冇紫菜包住，但就好新颖地用匙羮上。三文鱼籽鲜浓湿润，爆于口中真系劲爽！

青森三文鱼籽寿司

第八件火炙渍吞拿鱼腩寿司半溶于口中

，而且一啲都唔腻口。

火炙渍吞拿鱼腩寿司

可能师傅听到小肥话个胃仲有好多位，食完卷物惊未必够饱，佢竟然将卷物改换成一碗鱼生饭

。鱼生饭仲要用上份量唔少o既鱿鱼及海胆，软滑幼嫩又鲜美，好客之举讲真令细佬都有少少受宠若惊。

食咗咁多饭落肚后黎碗热腾腾o既面豉汤，肠胃实在舒畅。

最后甜品三味以靓盘呈上，就连盘上o既三款器皿都精美过人

，充分表演出设计者别出心裁o既构思。

小羮小叉下o既招财猫座为食客招来福份，趣致又有意思

竹藤上形似菠萝o既波波乃微甜脆皮o既雪糕泡芙。

小竹船上o既抹茶蕨饼软糯烟韧，轻巧甘甜。

最后一球柚子雪葩清爽消滞，顿时令精神为之一振。

与情人庆祝痒年纪念日，于隐蔽小店「和処酒肴」认识到客套o既老板师傅及幽默o既靓女姐姐，得以「十四代」美酒及「厨师发办」佳肴欢度四小时o既良辰，好希望美满o既爱情及美食可以延续千年万世

！

(以上食记乃用户个人意见 , 并不代表OpenRice之观点。)

分享
推介

已推介
检举

张贴

评分

味道

环境

服务

卫生

抵食

用餐日期

2017-03-04

用餐途径

堂食

人均消费

$1600 (晚餐)

庆祝纪念

纪念日

推介美食