炭兎

营业中

休息中

同男朋友庆祝纪念日嘅时候，我哋拣咗一间日本菜餐厅。以下系我嘅评价：铁盒烧广岛蚝：佢哋用新鲜广岛蚝原只连壳，放喺铁盒入面蒸，咁样可以锁住鲜味同蒸到刚好熟。餐厅仲提供三款酱汁，我个人最钟意柠檬酱。炭烧名古屋交趾鸡 : 佢用炭火烤过，咁样鸡肉入面会有烟熏味。不过对我嚟讲有啲太咸。山芋明太子铁板烧：上枱嘅时候放喺铁板烧上，可以保持食物温度。软糯嘅山芋同带有咀嚼感嘅八爪鱼组合，口感好丰富。第一次试明太子同山芋既配搭，觉得好特别。免治鸡肉棒鹅肝酱：鹅肝酱稍微抢走咗鸡肉嘅风味，不过仍然可以感受到炭火烤过嘅味道。甜品选择唔多，不过我好奇地点解日本菜餐厅会有法式甜品，所以我叫咗佢哋嘅自家制法式栗子蛋糕。结果超级惊喜！简直系日本料理中的甜蜜意外。栗子馅做得好轻盈，里面有忌廉同香草雪糕，雪糕有香草籽，再加上栗子粒，口感同味道都非常平衡。