影片
更多
2013-04-06
341 浏览
食开平野既我因同女友庆祝就上黎openrice揾食，之前听过人讲话呢间唔错，禁入黎睇见到其他朋友对呢间既服务水平上落好大，但见到食品质数好似唔错，同区黎讲呢个价位揾左几间，最终都系黎左呢间。直去重点，叫左个set menu for 2餐汤-磨菇忌薕汤：唔系罐头汤，足料既，但系俾汤入面放左既两块仔饼干影响左ｄ味，头淡汤系饼干味 -_-头盘-小食拼盘 - 炸虾x2 / 芝士饼x2 / 炸鸡脾 x2：正常水平，比茶记好食但唔算有惊喜个芝士饼咬落几烟un，唔错虾几新鲜，炸皮唔算厚炸脾ｄ肉就鞋左少少main-水牛芝士Pizza / 白汁海鲜意大利饭：水牛芝士Pizza几好食，热辣辣既pizza系最好食既(唔只系暖，系热辣辣)材料好食，味道亦岩岩好，皮又够脆同埋几钟意佢切开左既pizza件系完全同其他pizza件完全分开(即系唔系d芝士未断尾...拎起一件时会痴住隔离果件，结果一拎上黎d材料就俾d芝士痴住跌到周围都系)白汁海鲜意大利饭既海鲜就唔好讲喇，只系碎件，好细粒果d但系个白汁就几正，好重海鲜味，弥补番个味道有两只大虾跟，但唔系新鲜虾餐饮系冻士多啤利朱古力同热MochaMocha不过不失，同S
禁入黎睇见到其他朋友对呢间既服务水平上落好大，但见到食品质数好似唔错，
同区黎讲呢个价位揾左几间，最终都系黎左呢间。
直去重点，叫左个set menu for 2
餐汤-磨菇忌薕汤：
唔系罐头汤，足料既，但系俾汤入面放左既两块仔饼干影响左ｄ味，头淡汤系饼干味 -_-
头盘-小食拼盘 - 炸虾x2 / 芝士饼x2 / 炸鸡脾 x2：
正常水平，比茶记好食但唔算有惊喜
个芝士饼咬落几烟un，唔错
虾几新鲜，炸皮唔算厚
炸脾ｄ肉就鞋左少少
main-水牛芝士Pizza / 白汁海鲜意大利饭：
水牛芝士Pizza几好食，热辣辣既pizza系最好食既(唔只系暖，系热辣辣)
材料好食，味道亦岩岩好，皮又够脆
同埋几钟意佢切开左既pizza件系完全同其他pizza件完全分开
(即系唔系d芝士未断尾...拎起一件时会痴住隔离果件，结果一拎上黎d材料就俾d芝士痴住跌到周围都系)
白汁海鲜意大利饭既海鲜就唔好讲喇，只系碎件，好细粒果d
但系个白汁就几正，好重海鲜味，弥补番个味道
有两只大虾跟，但唔系新鲜虾
餐饮系冻士多啤利朱古力同热Mocha
Mocha不过不失，同Starbxxxs差唔多
士多啤利朱古力就几好饮，类似士多啤利糖咁既味，唔会酸亦唔会过甜，岩岩好
总括黎讲今餐食得几开心，食物质素真系唔错，价钱亦合理
==============================
其实黎之前睇过其他食评，有人话服务质素差又赶客咁
而我自己呢次就觉得唔错，waiter多数后生仔女，但几有礼貌同几细心
上菜既时候我电话放左系台面，佢有提醒我小心部电话
而且会换碟(cafe黎讲真系好少见会主动换碟，抵赞)
走既时候亦提你拎齐野同笑住讲拜拜，亦唔见赶客情况出现
不过佢类型系楼上cafe，环境偏暗，
现场亦有播放音乐，所以其他人倾计都会比较大声，感觉上嘈左少少
如果唔钟意嘈想静静地既话就可能唔系咁岩，
但一大班朋友黎就应该唔错
menu亦见到有menu for 2 - 8位用既set
题外话/补充资料：
用餐时间系平日夜晚-8:30，原本book左9点，但8:15打上黎问可唔可以改早d(8:30)
佢地答话留就留唔到，不过而家有位可以walk-in
(以上食记乃用户个人意见 , 并不代表OpenRice之观点。)
张贴