泰金國 (已搬遷) 新店位置

得闲就走入去九龙城食泰国菜，听住啲姐姐讲泰文，咁又当自己去咗转泰国啦。泰金国其实都食过好几次，食物都有水准系系烧物每次嘅水准就会有差别，因为佢即点即烧。冬阴公汤海鲜河$50钟意点个河粉，又可以饮佢嘅冬阴公又有米线食，冬阴公汤底好有泰式风味，酸辣味涌出来，辣度刚刚好，虽然话系海鲜，有几粒虾仔同鱿鱼，当然呢个价钱就不要求太多。泰式咖喱炒蚬＄128自从上次朋友点左呢个菜之后，一直念念不忘，佢呢碟菜嘅重点系在于佢嘅咖喱，将咖喱厚厚地涂在蒜蓉包上，非常好食，炒蚬份量不少而且每只都有肉，但对于钟意食辣嘅人嚟讲可能就唔太够。烧鸡翼＄16/1只鸡肉腌的味道刚好，外皮烧得好脆口，但食得出系雪藏鸡翼。烧牛肉＄70今次就烧得外皮脆口，入边嘅肉质依然保持粉红色，牛肉味重，旁边嘅酱汁好有泰国风味，今次师傅保持到水准。