來佬餐館 (已結業)

星期六晚友人介绍左一间环境清静，好舒适嘅环境食饭，一入去见到灯光暗暗地，感觉好有格调及怀旧，座位舒服，绝对系倾计谈心好去处。食物方面，先嚟几个前菜，最钟意食系香草芝士焗蚝同蟹粉蟹籽一口酥，因为本人系蚝同芝士控，加上个味道烹调得恰到好处，好味，而蟹粉蟹籽一口酥，不但香脆，伴随著蟹粉蟹籽，更觉有层次。另外黑松露野菌汤更加有惊喜，味道不但够浓，配上大量磨菇，令人想一饮再饮。最后主菜拣左牛肝菌烤羊架，羊架烤得刚刚好，不会太生，又不会太老，肉质嫩滑，又保留到牛肝菌本身味道，抵赞。而配菜有薯仔蕃茄仔，法豆，烧蒜，睇得出个厨师好有心思。食完这个其实已经好饱，之后再食埋个甜品西米奶冻配芒果雪糕，真系好满足。客人食饭最紧要食得开心，满足，这间食物质素吾错，下次我都会再来帮衬。