Thirty First of May (已結業)

今日好想去返上次同朋友去过个间餐厅度食饭，放工前约定朋友系荃湾地鉄站等，间餐厅系大霸街，我地出咗地鉄站A出口之后沿行人天桥一路行过去，都唔使十五分钟，侍应今次俾咗门口位俾我地，方便朋友食烟，朋友睇咗餐牌之后，叫咗一个套餐包括有头盘系 凯撒沙律，黑松露野菌忌廉汤，南瓜蟹肉意大利饭，美国安格斯西冷牛扒10安士，我叫咗五成熟，加埋一杯 柠檬茶同埋橙汁 ，先嚟系沙律，佢嘅沙律汁系自己调较嘅，味道好特别， 跟住就系 黑松露野菌忌廉汤同埋 南瓜蟹肉意大利饭一齐嚟，𠮶饭嘅味道好正，南瓜味浓，跟住系我至爱西冷牛扒啦，配埋自家制酱汁，真系超正，肉质美味，同朋友倾吓讲吓，时间过得好快，临走再约下次嚟过。