Amica

营业中

休息中

今晚响始创中心买完野之后,就顺便揾间餐厅食晚饭。路过3楼一间叫Amico 西餐厅，见佢都好宽敞,出面仲有open area,而晚市套餐选择都好多，卖相又吸引，所以就入咗去食。餐厅嘅装修好有格调，座位之间都好宽敞，好适合三五知己或者情侣食饭倾偈。晚市套餐有好多选择，例如西式意粉/通粉，牛扒，羊架，唔食红肉嘅可以拣比目鱼，或者三文鱼。我哋拣咗一个大虾意大利粉，同埋西冷牛扒。今晚嘅餐汤系南瓜汤，个汤好creamy好滑，南瓜好清甜，好好味。大虾意大利粉个卖相好靓，大虾嘅数目都好多，以呢个价钱嚟讲真系估佢唔到。虾肉好鲜甜，肉质好结实，一啲都唔霉，龙虾汁意粉靭度适中，非常好味。西冷牛扒七成熟啱啱好，煎得唔会好干，外脆内软，牛肉好冧好Juice，而且好重牛味，配埋焗薯同西兰花，食得相当满足。饮品方面我哋拣咗紫薯牛奶同埋玫瑰苹果冷泡茶。紫薯牛奶好重紫薯味，牛奶好滑，成个配搭都好match。玫瑰苹果好香好清甜，食完个牛扒再饮冷泡茶，可以消一消滞。估唔到始创中心都系一个卧虎藏龙嘅地方。