影片
更多
2024-07-24
136 浏览
我一直以为，Chilli Lime系一间泰国菜。直到今日嚟到将军澳Monterey分店，先知原来佢系一间食泰国菜、印度菜、素菜同海鲜嘅餐厅。所以今次我哋系每样嘢都叫啲😎。泰式牛油果鲜虾沙律 - 非常新鲜嘅牛油果、鲜虾配上新鲜蔬菜同泰式酱，理所当然地清新开胃。Pani Puri - 呢个街知巷闻嘅印度小食，一个个空心油炸球入边本身已经填咗调味嘅薯蓉，再倒入提供嘅泰式酱汁同炸粒，无论味道同质感都系顶级，系非常高水平嘅餐前小食。原只炭烧鱿鱼 - 其实鱿鱼本身冇乜味，不过质感清爽弹牙，唔会一嚿嚿黐住。最重要系配上泰式酱汁，味道好夹，好啱作为浓味主食前嘅前奏。红咖喱槟榔叶烧牛肉 - 店主推介。原本我以为Pani Puri已经系MVP，点知呢个仲劲。清新略甜嘅红咖喱本身有椰汁味，净系咖喱汁配上满满蒜蓉味嘅印度薄饼naan，本来已经无敌。但加上烧牛肉嘅效果更上一层楼烧牛肉根本就系由一块牛扒切出嚟嘅效果，肉质鲜嫩有油分，配上红咖喱实在难以形容，已经有米芝莲级数了。最后要讲埋嘢饮。”Pineapple Spitzer”粉红佳人嘅样子，甜酸都足够，但都唔及”Mango Delight”，净系佢个外型已经引
直到今日嚟到将军澳Monterey分店，先知原来佢系一间食泰国菜、印度菜、素菜同海鲜嘅餐厅。所以今次我哋系每样嘢都叫啲😎。
泰式牛油果鲜虾沙律 - 非常新鲜嘅牛油果、鲜虾配上新鲜蔬菜同泰式酱，理所当然地清新开胃。
Pani Puri - 呢个街知巷闻嘅印度小食，一个个空心油炸球入边本身已经填咗调味嘅薯蓉，再倒入提供嘅泰式酱汁同炸粒，无论味道同质感都系顶级，系非常高水平嘅餐前小食。
原只炭烧鱿鱼 - 其实鱿鱼本身冇乜味，不过质感清爽弹牙，唔会一嚿嚿黐住。最重要系配上泰式酱汁，味道好夹，好啱作为浓味主食前嘅前奏。
红咖喱槟榔叶烧牛肉 - 店主推介。原本我以为Pani Puri已经系MVP，点知呢个仲劲。清新略甜嘅红咖喱本身有椰汁味，净系咖喱汁配上满满蒜蓉味嘅印度薄饼naan，本来已经无敌。但加上烧牛肉嘅效果更上一层楼烧牛肉根本就系由一块牛扒切出嚟嘅效果，肉质鲜嫩有油分，配上红咖喱实在难以形容，已经有米芝莲级数了。
最后要讲埋嘢饮。”Pineapple Spitzer”粉红佳人嘅样子，甜酸都足够，但都唔及”Mango Delight”，净系佢个外型已经引来全场目光，结果差唔多每枱都有一杯😂。
呢间Chilli Lime嘅质素超出个人预期值得一嚟再嚟，难怪我哋平日坐到七点几已经全场满座。
张贴
