紅堂 (已結業)

估唔到食物、店名、环境可以配合至极，布置得红当当的红堂，主打招牌辣锅，正宗四川师傅秘方炮制，又真系几好味，我们拣咗二度的辣道，香多于辣，刚好为食物提味，又唔会嘴巴麻木，中午食火锅，变得冇问题。尤其是现在午餐抵食，$148/位很够食，首先有鸳鸯锅，已经包括清油养生麻辣锅及火腿花胶鱼肚鸡汤锅。鱼肚大大件，汤浓非常甜。枱上面仲有两支自制的调味汁，花椒汁及红辣椒汁各一支，必试，因为真是调得好，同埋好似红药水樽咁有啲怀旧感觉几好玩。午市火锅包括很多食物，重点西班牙伊比利亚黑豚梅肉及美国牛肩胛肉，切得幼薄，心急人灼几吓食得，吸了麻辣汤汁真是超正！鸡肉都滑。三款饺可以一次过试，墨鱼松露丸、云吞、麻辣和牛饺，讲真混在一齐煮，食得快真系唔觉分别好大，只知几好食。炸鱼皮非常好，厚厚实实地有口感，非常脆，灼麻辣汤极正。我哋大食，追加了伊比利霜降肉花及蒜泥白肉水晶包。霜降肉很嫩。蒜泥白肉水晶包用干冰伴著，喷好多烟好矜贵的卖相，水晶皮未熟，所以仲需要长两三分钟，见到变了色食得，肉味香。最后仲有冰粉，有助解辣，再饮埋乌梅汁，完美结束。