怡翠軒 (已結業)

去得多传统茶楼都想有时奢侈一下，去啲高级地方，复活节假期同个朋友去中环行街同食野，去左怡和呢间怡翠轩。茶有好多款拣，对黑茶情有独钟既我地都系饮返传统普洱。XO酱炒萝卜糕个味好好，好惹味，但系萝卜糕就唔够挺身，好粉。配菜小辣。高级版春卷加咗蟹子同鹅肝，老实讲鹅肝个味唔系太出，但系成条春卷都好弹牙，咬到虾肉。咸水角好少可有菇，但系呢个馅料几特别，有虾、虾米、菇蓉，咸水角皮都好烟韧 ，唔会太油👍🏻呢件马拉糕完全系好似海绵蛋糕咁，唔太松化。鸡扎好味，非常标准，冇乜太特别鲜竹卷调味有啲重，令到本身大量唐芹咁重口味嘅鲜竹卷口感更复杂。