影片
更多
2017-04-23
236 浏览
去咗花见月食嘢先.科学园嘅餐厅大多数都有好高嘅楼底,空间感十足.同埋系玻璃窗,都几开扬,想试佢哋嘅鱼生丼,又想食红日限定嘅海胆配火炙三文鱼班尼迪蛋,取舍之下只叫咗份定食.定食包丼饭同前菜,亦可以加配和风野菜沙律,茶碗蒸同味噌汤,和风野菜沙律有紫生菜,车厘茄同粟米粒等等,配上日式芝麻酱都几开胃,茶碗蒸入面就有冬菇,蟹柳,鸡肉同银杏,味噌汤就除咗昆布,豆腐之外,仲有唔少洋葱.呢份花见月特上鱼生丼最少有八样时令鱼生,其中嘅三文鱼腩肥美,吞拿鱼有鱼香,三文鱼子有咬口,而牡丹虾同海胆如果再鲜甜啲就仲好.碗入面仲有甜玉子,蟹柳,酸姜同芥末,啲饭就加咗紫菜丝同饭素,食落软熟而有啲烟韧口感.我最后先食前菜,木耳微辣爽脆,渍红白萝卜同青瓜就可以解腻.见到佢哋有个独立嘅咖啡吧,于是叫咗杯Cafe Latte试下,拉花细致,奶泡亦打得好绵,咖啡味突出,冇被牛奶盖过.睇咗睇餐厅嘅facebook,原来佢哋嘅手冲咖啡几驰名,下次再嚟嘅话都想试试.
去咗花见月食嘢先.
科学园嘅餐厅大多数都有好高嘅楼底,空间感十足.
同埋系玻璃窗,都几开扬,
想试佢哋嘅鱼生丼,又想食红日限定嘅海胆配火炙三文鱼班尼迪蛋,取舍之下只叫咗份定食.
定食包丼饭同前菜,亦可以加配和风野菜沙律,茶碗蒸同味噌汤,和风野菜沙律有紫生菜,车厘茄同粟米粒等等,配上日式芝麻酱都几开胃,茶碗蒸入面就有冬菇,蟹柳,鸡肉同银杏,味噌汤就除咗昆布,豆腐之外,仲有唔少洋葱.
呢份花见月特上鱼生丼最少有八样时令鱼生,其中嘅三文鱼腩肥美,吞拿鱼有鱼香,三文鱼子有咬口,而牡丹虾同海胆如果再鲜甜啲就仲好.
碗入面仲有甜玉子,蟹柳,酸姜同芥末,啲饭就加咗紫菜丝同饭素,食落软熟而有啲烟韧口感.我最后先食前菜,木耳微辣爽脆,渍红白萝卜同青瓜就可以解腻.
见到佢哋有个独立嘅咖啡吧,于是叫咗杯Cafe Latte试下,拉花细致,奶泡亦打得好绵,咖啡味突出,冇被牛奶盖过.睇咗睇餐厅嘅facebook,原来佢哋嘅手冲咖啡几驰名,下次再嚟嘅话都想试试.
张贴
