影片
更多
2024-12-14
152 浏览
生菜牛六宝幼面（$66）因为见到有猪杂，所以叫唔到牛腩、牛杂各一，见到餐牌有牛六宝，包含牛腩、牛筋、金钱肚、沙瓜、牛肠、牛膀，样样有啲，咁就啱嘞。牛腩有2旧，劲失望，又瘦又嚡又韧，讲衰啲仲差过煲汤瘦肉；牛筋有2条，好腍好软身，反而少咗口感；金钱肚有4片，爽口弹牙；沙瓜有2旧，有咬口（真系好鬼似猪肚）；牛肠有两款，竹肠粉肠各2旧，竹肠有肥膏，但无咩牛脂甘香味，粉肠唔太粉；牛膀有1片，普通，正常粉。另外仲有两块生菜。汤底都算清，味道唔太浓亦唔太咸。面条好少碱水味，咬落尚算弹牙。潮汕新鲜什锦猪杂幼面（$46）先讲汤底，清爽，好足芫茜芹菜味，少咸带有生滚过猪杂嘅味道。猪杂有猪润、猪粉肠、肉片、猪心、猪肚、札肉片。猪润软嫩、粉肠唔苦、肉片软身好滑、猪心爽口无腥味、猪肚有咬口、札肉一般，另外仲有一旧猪腰（有少少尿压味）同埋一啲猪肉碎。冻柠茶（+$8）冻柠茶得三片柠檬，冰多，茶少。最后讲吓啲潮州辣椒油，见到佢话自家制，仲有得一罂罂卖，但即场食落，唔辣兼且唔香，无咩特别。另外枱面仲有罂咸冬菜，都几咸。真心讲，有啲失望，牛腩完全唔得，牛杂无亮点唔算出色，猪杂一般般。比较好嘅系坐得几舒服，楼底高，空间感足
因为见到有猪杂，所以叫唔到牛腩、牛杂各一，见到餐牌有牛六宝，包含牛腩、牛筋、金钱肚、沙瓜、牛肠、牛膀，样样有啲，咁就啱嘞。
牛腩有2旧，劲失望，又瘦又嚡又韧，讲衰啲仲差过煲汤瘦肉；牛筋有2条，好腍好软身，反而少咗口感；金钱肚有4片，爽口弹牙；沙瓜有2旧，有咬口（真系好鬼似猪肚）；牛肠有两款，竹肠粉肠各2旧，竹肠有肥膏，但无咩牛脂甘香味，粉肠唔太粉；牛膀有1片，普通，正常粉。另外仲有两块生菜。汤底都算清，味道唔太浓亦唔太咸。面条好少碱水味，咬落尚算弹牙。
潮汕新鲜什锦猪杂幼面（$46）
先讲汤底，清爽，好足芫茜芹菜味，少咸带有生滚过猪杂嘅味道。猪杂有猪润、猪粉肠、肉片、猪心、猪肚、札肉片。猪润软嫩、粉肠唔苦、肉片软身好滑、猪心爽口无腥味、猪肚有咬口、札肉一般，另外仲有一旧猪腰（有少少尿压味）同埋一啲猪肉碎。
冻柠茶（+$8）
冻柠茶得三片柠檬，冰多，茶少。
最后讲吓啲潮州辣椒油，见到佢话自家制，仲有得一罂罂卖，但即场食落，唔辣兼且唔香，无咩特别。另外枱面仲有罂咸冬菜，都几咸。
真心讲，有啲失望，牛腩完全唔得，牛杂无亮点唔算出色，猪杂一般般。比较好嘅系坐得几舒服，楼底高，空间感足，装修亦几骨子。
PS：有八达通。
生菜牛六宝幼面
$66
15 浏览
0 赞好
0 留言
潮汕新鲜什锦猪杂幼面
$46
36 浏览
0 赞好
0 留言
冻柠茶
$8
401 浏览
0 赞好
0 留言
张贴
