城寨風味

营业中

休息中

位于九龙城广场一楼嘅呢一间嘅中菜馆，装修都几有特色。今晚同个friend嚟到九龙城揾嘢食。榄菜肉松四季豆$138呢碟四季豆上枱仲出紧烟㗎，四季豆食落口感爽脆都唔错㖞，唔会煮得太腍，榄菜咸咸香香咁真系好开胃。秘制红烧乳鸽$88一只，一开四上枱。即叫即炸热辣辣。呢间乳鸽外皮食落甜甜地，而且超香脆，个人觉得价格都OK，最紧要系咬落去啲肉唔会好油。红烧斑腩豆腐煲$238，呢个豆腐煲有惊喜㖞，一上枱出晒烟，仲有治治声，镬气十足。斑腩唔系普通鱼柳系真斑腩，斑腩肉身都好厚。但系食落一啲都唔老，豆腐虽然外表微脆，但系内里都仲系好滑溜，好食㖞。