牧羊少年咖啡館 (德福廣場1期)

营业中

休息中

牧羊少年都开咗好耐，分店又开咗好多，但真心冇乜特色，除咗个名。下昼见唔使等位，中咗入去，听到个侍应话用餐时间105分钟真系笑咗，两个钟畀多你，个半钟又畀客话小家，于是较定一个钟零四十五分钟，呢个少年识计数呀！叫咗两款嘢，一个咖喱乜乜红烧茄子加菠萝🍍红米饭🍚，味道真系好一般，食完之后仲有啲唔对路⋯⋯好似唔觉有食到条烧茄子🍆，究竟响边？于是问侍应哥哥，佢话响碗咖喱里面㖞？犀利，条嘢煮到融入咗响啲咖喱入面，食咗都唔多觉呀！另一款就系行货嘅鸡蛋夹面包加块牛油果同三文鱼，味道大路嘢，收你连加一成旧水，伴碟沙律菜都冇条，卖相都欠奉🙄牧羊少年呀，你都开咗成十年有多，大个仔啦，搞好啲嘢食先啦！