Nardo's Cafe (已結業)

同女友出旺角谂住行阵街再食饭，奈何今日天气真系好热，再加上旺角长期累月都好多人，所以我地最后选择揾个可以坐耐少少既地方食饭。要坐耐啲非cafe莫属，然后醒起以前去过间cafe都唔错，所以就决定黎左呢到。门口简洁清新。我地每人叫左一人餐加小食。先黎左杯荔枝玉露，唔系好甜，大热天时饮返杯清爽饮品，即刻降温。另一杯叫王子，因为系几款果汁沟埋既沙冰，所以会系偏甜，不过味道唔错。忌廉蘑菇汤，好香蘑菇味，一饮以为系加左黑松露，但饮真啲系好浓既蘑菇味，好好味！沙律唔少，亦都好新鲜，加上蛋黄酱无咁寡。蜜糖鸡翼，热辣辣出黎外脆内软的，蜜糖味都好够。忌廉菠菜烟三文鱼长通粉，好大碟，因为有啲菠菜一齐，所以都唔会我好浓既忌廉味，令碟粉无咁咸，而啲粉都几烟韧。黑松露海虾带子意大利饭，小弟的最爱意大利食，啲饭好香好creamy，虾都好爽口。特浓朱古力同蓝莓芝士蛋糕，一人一件自己食哂，我食朱古力甜得黎一啲都唔流，建议大家拣呢个。