紅磡雞蛋仔

营业中

休息中

小妹前排入左红磡一转，顺便去左个排红极一时既「红磡鸡蛋仔」，佢出名既唔系鸡蛋仔同格仔饼，而系圆形一块块既班戟。.约六点半黎到，已经有条小小既人龙，店员一个负责煎班戟，一个负责搽酱，人流去得好快。而当日剩系买班戟先要排，十个有八个都系买班戟，做到无停手。呢款港式班戟近来系其他地方都见到有，小妹就见过系荃湾有喇，不过就只系搽格仔饼既酱，呢间就比较特别，近期大热既有肉松同芒果/杂果馅料。.刚好排到我地，店主话芒果肉得返好少，只可以做到杂果芒果比我地，无剩芒果肉，都照要吧! 每个盛惠$10，唔贵又可以买个开心。.肉松班戟 $10热辣辣煎起既班戟有淡淡的蛋香，班戟皮烟烟韧韧，内里夹住加了花生酱同沙律酱在内，食落咸咸甜甜咁，特别之余，小妹又几钟意㖞。.杂果芒果班戟 $10芒果肉大大粒同埋罐头菠萝，相信如果剩叫芒果会更加好味，芒果肉颇甜。但相对之下，小妹都系比较钟意肉松个款呢。