Moreish & Malt (蕪湖街) (已結業)

红磡区主要系连锁型西餐，或者系坐得好逼嘅小店。 好似Moreish &Malt呢种有人性化、坐得舒服、有气氛服务嘅餐厅几乎系冇。因为住喺附近，呢间已经去过好多次，每次水准都好好，猪鞍、意粉系signature. 肉类一般都煮得 好Juicy同入味。值钱都合理。答应阿女考完试带佢去食，一个二年级人仔对食真系好有要求。今晚叫咗beetroot salad, crabmeat brushetta, pasta, ribeye, 同apple crumble. 所有菜式维持一贯水准，牛扒medium well 系真系做到又juicy, 薯条好热外脆内软，好正。最有惊喜系个apple crumble，热辣辣上面配个homemade sorbet啱啱好，阿女话俾100 分！经理Kumar同平时一样好friendly 同好helpful. 送咗杯苹果汁俾阿女饮仲表演埋魔术俾佢睇。今晚唔算多客，希望支持呢啲有heart 嘅餐厅，所以写了第一篇食评！